Oleh: Wisran Hadi | 26 September 2008

FATSAL-FATSAL ORANG TAK BERADAT (04)

1.      Lah jaleh suaro tu lambek saketek dari suaro itiak sirati, kareh saketek dari suaro orgen urang baralek, pacah saketek dari suaro palapah mangga diampehan, sato pulo bapidato  kampanye saroman urang. Padohal nan disampaiannyo cuma ota gadang sajo.

2.      Lah jaleh suaro tu suaro urang, bakecek an juo suaro awak. Padohal suaro awak lah abih baagiahan kutiko pemungutan suara ampek tahun lampau.

3.      Lah jaleh suaro tu kaba bagalau, bakecek an juo fatwa urang-urang pandai. Padohal suaro bagalau tu datang dari urang balai nan takuruang otonyo dek macet sapanjang jalan tangah pasa.

4.      Lah jaleh suaro indak jaleh. Bakecek an juo lai jaleh. Kasudahannyo, sagalo suaro dianggap alah mamiliah inyo. Padohal suaro tu suaro karambia tokeang jatuah di bancah.

5.      Lah sajalah-jaleh tu suaro urang miskin nan alun dapek juo lai pambagian kepeaang, bakecek an juo suaro urang galak tabarai-tabarai.

6.      Suaronyo lai rancak, tapi apo nan dikecek annyo indak sarancak suaronyo. Mati karancaan pulo tu kutiko manyampaiannyo.

7.      Antah lai basuaro antah indak, nan jaleh inyo sato pulo memberikan suara dalam pemilu nan katibo. Ukualah suaro tu saketek, lai ado juo suaro tu lai, atau lah bajua murah pulo ka tampek lain.

8.      Baa caro mamasuak an suaro ka kotak suaro? Itu nan marusuah amai-amai nan kini taruih basuaro dek karano lapak-lapaknyo taruih digusur polpepe.

9.      Sia nan indak basuaro tando haniang. Haniang tando alah. Urang nan bakarajo indak mamakai suaro namonyo urang maliang. Mamakai suaro se taruih namonyo tukang ubek.

10.  Apo bedo suaro rakyat jo suaro pejabat? Suaro rakyat, kabara bana lah karehnyo, tatap ujuangnyo pith kalua. Sadangkan suaro pejabat, kabara banalah lunaknyo, tatap ujuangnyo pitih masuak.

*


Responses

  1. ado-ado se mah gaek………..


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Kategori

%d blogger menyukai ini: