Oleh: Wisran Hadi | 26 September 2008

PITUAH SIMALANCA (04)

Sindao! Indak musti urang sindao sasudah makan. Urang sadang masuak angin sindao juo. Kanai tampa dek atasannyo, sindao juo. Dapek pitih komisi sindao juo. Sindao tu suatu pekerjaan nan indak disuruah-suruah. Muncuang mangango, angin lalu dari dalam. Sudah sindao paruik langsuang raso sanang.

Sindao indak buliah disumbarang wakatu. Ado wakatu-wakatu nan buliah awak sindao, ado pulo wakatu-wakatu nan indak buliah awak sindao.

Ikolah pituah Simalanca nan musti tuan-tuan ikuti sabalun sindao;

  1. Sakali-sakali, jaan sindao kutiko awak sadang babisiak dakek talingo urang. Talabiah urang tuo atasan awak, mintuo awak, atau pangulu awak. Jaan-jaan nyo sangko beko awak maambuih talingo inyo jo angok nan sadang baun patai.
  2. Sakali duo kali, jaan sindao kutiko sadang muncuang barado dakek mikrofon iduik. Beko tadanga dek urang saroman garagasi sadang maineh baun manusia. Nan bedo kok rabah pulo tonggak mik tu dek kareh bana angok nan kalua dek sindao.
  3. Sakali tigo kali, jaan sindao kutiko sadang bajalan di muko restoran. Beko nyo sangko dek urang restoran tu, awak baru kalua dari restorannyo. Padohal awak sindao dek masuak angin.
  4. Sakali-kali jaan sindao kutiko sadang maidu tapuang parancih. Maidu tapuang , tapuang apo sajo muncuang musti dirapek an. Takacuali kutiko makan galamai, atau samba lado bada.
  5. Nan sakali ko jaan sindao katiko sadang manyayang bini (khusus bagi nan alah babini sah!) Jan sampai bini maanggap awak ka maambuih talingonyo. Atau manganggap awak mampalagak an bahaso awak baru sudah makan durian saembe.
  6. Sakali du kali jaan sindao sasudah makan kalio jariang sapanci balambaung. Kok salah sangko urang beko, manyangko awak baru kalua dari wese.
  7. Jaan sindao katiko sadang mambaco Pituah Simalanca. Kalau sadang mambaco pituah lalu langsuang sindao, jaan-jaan beko dituduah urang awak makan karateh surek kaba.
  8. Katiko masuak kantua KPU sakali-sakali jaan sindao. Jaan-jaan nyo sangko awak alah kakanyangan dek manarimo pitih komisi tando tangan.
  9. Katiko sadang mancukua jangguik atau mancukua bulu katiak. Jaan-jaan beko tabang hambua bulu-bulu tu ka dalam kuali.
  10. Jaan disamoan wakatunyo sindao jo takantuik. Ginjaian juo agak saparsekian datiak. Buliah jaleh dek urang nan buni sindao nan buni kantuik.

*


Responses

  1. kok sindao baun durian lai lamak bana………


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Kategori

%d blogger menyukai ini: