Oleh: Wisran Hadi | 30 April 2011

BAA MANGKO KUDO DIAGIAH KACOMATO

Ota Kusie Bendi – Haluan Minggu

BAA MANGKO KUDO DIAGIAH KACOMATO

Oleh: Wisran Hadi.

Balari nanek Mas Sam mangaja bendi Muncak nan alah talonsong lalu di muko lapau simpang Kalumbuak. Mas Sam nak pai ka rumah-rumah nan alun juo bapelok I sajak gampo dek sari lai. Bantuannyo pun ado nan alun sampai juo kini lai. Kutiko lah dapek bendi tu, Mas Sam langsuang malompek naiak.

“Cepat lagi Muncak. Lecut lagi, biar cepat larinya,” kato Mas Sam jo sasak angok.

“Kudo lah lari dilacuik juo, Mas Sam sangko waden indak ba perikebinatangan!” jawek Muncak. “Ka paikamaMas Mas? Nak manjadi turis mancaliak urang dapek musibah?” solo Muncak.

“Benar Muncak. Saya mau mengunjungi rumah-rumah yang bantuan gempanya masih belum beres sampai sekarang.”

“Baa kok musti pakai kacomato itam bana?” tanyo Muncak.

“O, kacamataku ini? Banyak pejabat dan tokoh-tokoh penting yang datang ke lokasi gawat suka memakai kacamata hitam, bicara dan berdialog dengan anggota masyarakat yang tertimpa musibah. Kalau mengunjungi orang kena musibah, kita harus pakai kacamata hitam,” jawek Mas Sam.

“O, kalau soal nan itam-itam tu, urang Minang lah sajak dulu tahu mah Mas Sam. Pakaian pangulu itam. Pakaian anak randai itam. Padusi-padusi pai manjanguak manyandang kain bugih itam. Tapi nan pakai kacomato itam, iyo alun ado tampak diden lai doh. Salain tukang kaba.”

“Kenapa tukang kaba memakai kacamata hitam?” tanyo Mas Sam heran.

“Baa mangko tukang kaba tu bakacamo mato itam bia tagak di nan kalam bana? Dek karano tukang kaba tu matonyo buto,” jawek Muncak takekeh-kekeh.

“Jadi, menurut Muncak kurang pantas kalau saya memakai kacamata hitam?”

“Kalau pai ka galanggang pacuan kudo, atau manonton urang batandiang alang-alang, indak baa do pakai kacomato itam doh. Tapi kalau mancaliak urang susah indak usahlah bakacomato itam bana lai. Tasingguang parasaan urang nan bansaik bakeh awak.”

“Tapikandi tempat-tempat itu hari panas sekali. Matakanbisa silau oleh cahaya matahari. Itu sebabnya aku memakai kacamata hitam begini.”

“Urang bakacomato itam di tangah urang susah, samo artinyo urang tu manyuruak an matonyo. Takuik diliek urang. Sabab, dari pancaran mato tampak urang tu iyo lai sato susah atau indak.”

“O, jadi Muncak merasakannya sebagai penipuan? Jangan begitu Muncak. Kita harus objektif. Kacamatakanmahal. Banyak pejabat tinggi melakukan hal itu.”

“Waden kusia bendi Mas Sam. Sajak waden lahie sampai kini, nan baagiah kacomato tu iyo kudo den ko. Baa mangko kudo diagiah kacomato? Supayo pancaliak an kudo tu indak maempa-empa ka nan lain.”

“Jadi, sebagai kusir bendi, Muncak tidak setuju dengan orang-orang yang datang ke daerah musibah memakai kacamata hitam?”

“Mas Sam silau mancaliak penderitaan urang bansaik?” sindie Muncak. ***   


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Kategori

%d blogger menyukai ini: