Oleh: Wisran Hadi | 30 April 2011

BADATUAK TIOK PASANDIAN

Jilatang 04-04-10

 BADATUAK TIOK PASANDIAN

Untuak mampacaliak an ka urang banyak, bahaso awak tu urang asli Minang musti bagala datuak. bukti bahaso awak datuak, ka ilie ka mudiak musti pakai kopiah baragi paruik ayam.

“Mancaliakgayakanti den ko kini, kanti lah jadi datuak agaknyo komah!” kato Jila sambia basalam kutiko basuo di tapi lauik.

“Iyo,” jawek Atang sambia manjawek salam Jila.

“Apogala datuak nan kanti pakai?” tanyo Jila galak sengeang

“Hantok sajolah waang. Kok Datuak Kapalo Pakodian bagai gala den, kan indak ado urang Minang nan karugi doh,” baleh Atang.

Atang taragak nak maajak si Jila makan di Aie Badarun. Sampai di ikua darek kapalo rantau, Atang mambalian talua asin untuak Jila. Mantraktir kawan namonyo tumah. Sakalian untuak malagak induak-induak nan manggaleh talua tu.

“E, talua!”  Induak-induak nan manjua talua tu tibo bagageh. “Manyo talua kau,” kato Atang.

“Ikonyo da. Bia awak bukak an da. Lai angek juo sampai kini,” jawek induak-induak nan manjua talua tu.

“Buliah den kakok?” hariak Atang.

“Lai da. Tapi jaan kareh-kareh bana da,” jawek padusi nan manjua talue tu

“Iyo lai angek. Bara ciek,” tanyo Atang

“Mobu,” jawek padusi tu.

“Mobu?  Limo ribu? Talua kau ketek, kau jua maha pulo,” hariak Atang.

“Ketek baa talua awak dek uda?” tanyo padusi tu.

“Kaniyo ketek talua kau tu ha,” jawek Atang

“Kok gadang pulo dari talua ko talua itiak awak, tantu pacah ikue itik awak dek nyo da,” kato padusi tu polos.

Takangkang si Jila galak mandanga jawek panjua talue tu. Sakik ati bana hati Atang digalak an dek si Jila. Dah tu, dibalinyo sagalo talua nan dijua urang di parantain oto tu. Nyo kumpua an, nyo masuak an ka dalam kotak aqua. Nyo angkek surang ka ateh oto.

“Kalau lah jadi datuak, kanti indak buliah lai maangkek-angkek. Baitu aturan adatnyo,” kato Jila manasehati.

“Sajak dunia takambang, datuak-datuak di Minangkabau ko karajonyo alah maangkek talua mah,” hariak si Atang ka si Jila.

“Waang gilo tantu iyo,” baleh si Jila.

“Gilo baa den?” Atang batanyo pulo.

“Biasonyo datuak tukansabanyak kaum nan ado,” jawek si Jila.

“Itu lainnyo jo datuak-datuak di nagari den, ” baleh si Atang.

“Baa lainnyo?” tanyo si Jila capek.

“Di nagari waang Jila, datuak tu memang surang tiok kaum, di nagari den tiok pasandian urang badatuak!  Itu sababnyo waden jadi Datuak Kapalo Pakodian sajo.”

“Ha?  Badatuak tiok pasandian?” tanyo Jila binguang. ***


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Kategori

%d blogger menyukai ini: