Oleh: Wisran Hadi | 30 April 2011

Hari-hari apo urang sumbayang jumaat di Luhak Nan Tigo?

Jilatang 09-01-11

Hari-hari apo urang sumbayang jumaat di Luhak Nan Tigo?

Sabalun hari satu molah, engak!

Acara manyambuik tahun baru baru se salasai.  Kutiko tu Atang  sadang mamacik-macik tarompet karateh nan dibaonyo dari hotel babintang. Jila tibo mamakai topi es-wals, kucuik kateh kambang ka bawah.  Dek indak tahu apo nan musti dikarajoannyo di tahun baru duoribu sabaleh ko, parewa nan baduo tu main takoktaki sajo.  Lampu sadang mati pulo, kaduonyo tapaso duduak di nan kalam. Indak jaleh sia nan manakok, sia nan batanyo. Cuma nan tadanga suaro urang batakoktaki tu sajo.

Di dalam kesenian Minang, baa mangko indak ado wayang?

Dek karano sadonyo dalang.

            Di dalam kaba dikecek an padusi Minang nan baiak tu turunnyo sakali

sajumaat. Baa baitu?

Dek karano iduangnyo pesek-pesek. Malu dicaliak urang. Inyo tapaso kalua

            kutiko urang laki-laki sadang sumbayang jumaat.

Baa mangko urang Minang suko marantau?

Di kampuang takuik ditanduak kabau.

Baa mangko urang daulu banyak anaknyo?

Dek karano pisak sirawa lakinyo lapang.

Kalau hari lah malam baa mangko kaki datuak nan basaluak?

Dek karano inyo lalok jo bininyo.

            Baa mangko urang Minang suko mambangkik batang tarandam?

Dek karano sabanta lai maiknyo ka dirandam urang pulo.

            Apo akibat kalau batang tarandam lah tabangkik?

Urang Minang indak ado katurunannyo lai. Sado padusi indak lai baranak.

            Baa mangko depeer indak talok manurunan presiden?

Dek karano anggota depeer tu takuik pulo diturunan presiden.

            Baa mangko sampai kini urang Minang indak tahu bilo lahie atau matinyo

Datuak Katumangguangan jo Datuak Parpatih Nan Sabatang?

Kalau ado nan  tahu, batambah alasan urang mamintak sumbangan untuk acara

            hari ulang tahun.

Baa mangko harato pusako di Minangkabau ko jatuah kan urang padusi?

Kalau jatuah ka laki-laki, inyo pasti babini ciek lai.

            Urang lua maanggap urang minang ko paliang taat baugamo. Tapi tanyato

banyak nan indak puaso jo sumbayang.

Iduik baraka, mati bariman.

            Baa mangko urang Minang diagiah gala sasudah kawin?

Supayo indak nyo tulih pulo namo bininyo di balakang namonyo.

Dek urang Minang, apo tando padusi rancak?

Banyak lakinyo.

            Baa mangko urang puaso di bulan ramadhan?

Kalau di bulan Syawal inyo rirayo.

Hari-hari apo urang sumbayang jumaat di Luhak Nan Tigo?

Sabalun hari satu molah, engak!  ***

 


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Kategori

%d blogger menyukai ini: