Oleh: Wisran Hadi | 30 April 2011

TUGAS NINIAK MAMAK DIGANTIAN DEK SUMANDO KAYO

Jilatang 30-01-11

 

TUGAS NINIAK MAMAK DIGANTIAN DEK SUMANDO KAYO

Oleh:

Wisran Hadi

“Waden sebagai pangulu kaum, musti sacapeknyo mansertifikat an tanah ulayat kaum kami. Kalau indak, urang sumando waden nan ka turun tangan mansertifikat annyo. Kalau itu sampai tajadi, bara kamalu waden tu Jila. Waden niniak mamak kapalo warih namonyo, pangulu kaum kecek urang, tapi mancari pitih untuk pambaia ongkos sertifikat tanah kaum se indak lanteh angan,” kato si Atang.

“Tapi sumando waang tukanlai kayo. Pakai selah pitih sumando tu untuk ongkos sertifikatnyo,” jawek si Jila.

“Dek kayo tulah mako waden kalebuik ka ilie ka mudiak mancari pitih. Sabab mako baitu, sumando waden tu urang bisnis murni. Pitihnyo bisa disalang, tapi bungonyo musti dibaie manuruik aturan nan balaku. Baa dek awak, baitu pulo dek urang, baitu kecek sumando den,” kato si Atang.

“Iyo paten sumando waang tumah Tang. Kalau baitu indak usah disertifikat an bana tanah kaum waang tu lai,” jawek si Jila.

“Indak disertifikat an?  Waden taruih disasak annyo,” kato Atang.

“Kaum waang punyo tanah, waang nan manjadi kapalo warih. Manga pulo urang sumando nan maagak an awak?” kato Jila.

“Rumah gadang kaum kami nan baru tu,kanmemang sumando kami nan mambuek. Sasudah rumah gadang tu tagak, timbua pangana bisnisnyo. Rumah Gadang tu akan dijadikan objek wisata. Rumah gadang tu akan dilangkok i jo restoran, balai adat, kolam renang, hotel melati, tampek parkir nan laweh. Manuruik sumando den tu, rumah gadang ko adolah asset nan nilainyo milyaran rupiah. Waden disasak an taruih. Bahkan waden nyo ancam, kalau niniak mamak indak mampu mansertifikat an tanah kaumnyo, mako sumando-sumando akan manggantikan tugas ninik mamak tu,” kato Atang saroman urang disasak an hantu.

“Iyo lah bedo bana tumah. Sumando nak manggantikan tugas ninik mamak kaum bininyo? Iyo lah tabaliak bana Minangkabau komah,” kato Jila sambia maangguak-angguak saroman balam mau.

“Jadi, manuruik waang baa nan rancak Jila?” tanyo Atang.

“Murahnyo tu. Kecek an ka sumando kayo tu, angkek sajo rumah gadang nan nyo buek tu ka tanah kaumnyo surang. Manga di ateh tanah kaum bini mambuek rumah gadang, manga indak di tanah kaumnyo surang,” aja Jila ka Atang nan alah binguang.

“Eyayai. Inyo indak punyo tanah pusako bagai doh. Tanah rumah urang gaeknyo tu, nyo bali pulo,” kato Atang.

“Iyo lai sabana urang Minang sumando waang tu?” tanyo Jila.

“Kecek inyo lai,” jawek Atang.

“Sukunyo apo?” tanyo Jila.

“Dulu sukonyo Patapang. Kini lah kambang jadi Katapang. Dulu nyo kecek an sukunyo Kapatang.Adenragu, nan ma nan batua tu?” tanyo Atang.

“Kok Karampang bagai lah namo suku sumando waang tu, nan jaleh di ateh tanah pusako kaum waang, musti waang nan bakuaso. Maso urang Minang jadi-jadian saroman sumando kayo waang tu nan ka bakuaso di tanah kaum waang?  Ikolah bahayonyo, kalau ninik mamak ongok raya. Nyo alua sajo dek sumando kayo,” jawek si Jila.            ***


Responses

  1. NUMPANG INFO YA BOS… bila tidak berkenan silakan dihapus:-)

    LOWONGAN KERJA GAJI RP 3 JUTA HINGGA 15 JUTA PER MINGGU

    1. Perusahaan ODAP (Online Based Data Assignment Program)
    2. Membutuhkan 200 Karyawan Untuk Semua Golongan Individu yang memilki koneksi internet. Dapat dikerjakan dirumah, disekolah, atau dikantor
    3. Dengan penawaran GAJI POKOK 2 JUTA/Bulan Dan Potensi penghasilan hingga Rp3 Juta sampai Rp15 Juta/Minggu.
    4. Jenis Pekerjaan ENTRY DATA(memasukkan data) per data Rp10rb rupiah, bila anda sanggup mengentry hingga 50 data perhari berarti nilai GAJI anda Rp10rbx50=Rp500rb/HARI, bila dalam 1bulan=Rp500rbx30hari=Rp15Juta/bulan
    5. Kami berikan langsung 200ribu didepan untuk menambah semangat kerja anda
    6. Kirim nama lengkap anda & alamat Email anda MELALUI WEBSITE Kami, info dan petunjuk kerja selengkapnya kami kirim via Email >> http://satriyabisniss.wordpress.com/


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Kategori

%d blogger menyukai ini: