Oleh: Wisran Hadi | 30 April 2011

WAANG LAI PANAH SUMBAYANG DI MUSAJIK TAQWA?

Jilatang 16-01-11

 

WAANG LAI PANAH SUMBAYANG DI MUSAJIK TAQWA?

“Jila. Baa gak hati waangkotaawak ko? Samakin majukan?” kato Atang sambia mancaliak arah ka simpang aie mancua nan indak baraie tu.

“Samakin maju? Kecek sia?” tanyo Jila.

“Sagalo urang mangecek saroman tu. Lai tahu waang, apo ukuran maju sebuahkota?” tanyo Atang.

“Tu iyo indak jaleh diden tudoh. Waden indak pagawai tatakota bagai doh,” jawek Jila.

“Ukuran maju sebuahkotasaromankotaawak ko adolah, nan paratamo rami! Bukti bahaso rami, satiok simpang macet! Macet tu adolah bukti bahaso dikotaawak ko banyak oto. Oto banyak dek karano urang banyak nan alah mampu mambali oto. Baa gak hati waang? Lai batua kasimpulan den tu ndak?” tanyo Atang.

“Tang. Mampasik nan rami itu bukan tando kamajuan. Itu tando waang ongok raya maaturkotako!” baleh Jila sambia tagak pinggang.

“Apobuktinyo kecek waang tu?” tanyo Atang tasingguang.

“Paratian bana dek waang simpang musajik Taqwa ko. Paratian. Pasang mato, talingo jo parasaan waang! Lai jaleh dek waang bahaso di simpang ko iruak siang malam. Bunyi tuter angkot, bunyi musik di oto tu nan badantuang-dantuang. Kenek angkot mahariak siok kida maimbau panumpang. Suaro urang manggaleh visidi di kaki limo. Batandiang kareh,” kato Jila.

“Itukanhanyo untuak samantaro,” kilik si Atang.

“Aponan samantaro! Lah ampie anam tahun tahun kaadaan saroman ko. Samantaro apo juo nan waang sabuik lai ko kanti?” cimeeh Jila ka Atang.

“Sabalah Jila. Mambangun tukanindak saroman mambaliak an tapak tangan doh,” baleh Atang.

“Mangecek se waang nan pandai. Iko bukan persoalan mambangun. Tapi persoalan maatur lalu lintas! Katuju dek waang urang sumbayang di musajik Taqwa ko indak khusyuk dek iruak sapanjang hari? Waang lai pernah sumbayang ndak?” tanyo Jila sakik hati.

“Soal waden sumbayang atau indak, itukanurusan waden jo Tuhan,” jawek Atang.

“Sudahlah Tang! Sakik hati den mandanga kecek waang mah! Lain nan den tanyo lain nan waang jawek. Danga kecek den Tang. Caliak ka muaro Batang Arau tu ha! Lah jaleh muaro tu sampik, waang sumbek pulo jo restoran di tangah-tangahnyo! Lah kabanjiran urang kasadonyo! Urang di Berok, di Pasa Gadang, nan tingga di tapi Batang Arau lah sampai aie ka ateh meja!Apokarajo waang tu kanti? Urang eboh, kini waang nak ka mambongka pulo restoran tu! Itu nan pandai waang salamoko? Buek, bongka! Buek, bongka!” hariak Jila.

“Salagi waden masih bakuaso patuik sajo tunyo kawan, waden mambuek apo nan katuju dek den,” jawek Atang.

*


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

Kategori

%d blogger menyukai ini: