Oleh: Wisran Hadi | 30 April 2011

DI BATU MANANGIH GUBERNUR MANANGIH

Jilatang 27-02-11

 DI BATU MANANGIH GUBERNUR MANANGIH

oleh: Wisran Hadi

Pulang berdarmawisata dari Batu Manangih, objek wisata nan paliang rami dikunjungi dek urang awak nan suko jo aie mato, nan suko minun air mata penganten, nan suko baminyak jo air mata duyung, tajadi patangkaran antaro si Atang jo si Jila. Mulo-mulonyo curito bagarah-garah, e, kudian samo-samo naiak tensi, stres dan ampia pulo kolap.  “Iyo kiramaik batu manangih tu ndak Jila,” komentar Atang sasudah tacangang-cangang mancaliak batu tagak nan mangaluaan aie dari salo-salo rataknyo,” kato Atang. Itu pangka bala patangkaran tu. Baca Lanjutannya…

Iklan

Jilatang 27-02-11

 KREATIF TU ADOLAH URANG NAN BISA MANGECEK AN

SESUATU NAN INDAK TAMPAK

Oleh:

Wisran Hadi

“Tando urang kreatif itu adolah urang nan bisa maubah-ubah apo nan dicaliaknyo. Kalau inyo mancaliak matohari ka tabanam, urang kreatif bisa mambayangkan bahaso matohari tu ka tabik. Kalau nampak dek urang kreatif ado urang nan mamakai baju ijau, urang kreatif bisa mambayangkan bahaso urang tu babaju merah. Kalau ado urang-urang maosoang jenazah dari musajik ka pai ka kuburan, urang kreatif manampak jenazah tu bantuak samba palai. Jadi, urang kreatif tu Jila, adolah urang nan bisa mancaliak sesuatu nan indak nampak dek urang,” kutubah si Atang maaja si Jila pakaro kreatifitas.

“Hantu lai nampak dek urang kreatif tu?” tanyo Jila. Baca Lanjutannya…

Oleh: Wisran Hadi | 30 April 2011

Jilatang 20-02-11

 GAJI BIALAH KETEK TAPI RASAKI BANYAK

Oleh: Wisran Hadi

Jila agak heran, baa caro kawan tu dapek mangumpuakan harato sabanyak tu bana. Rumah tujuah, oto sambilan, toko duobaleh, karateh saham salamari, rekening di bank ateh namo anak, namo abak, namo bini, namo kamanakan! Alun lai sawah, ladang, tanah, angkot, buskota, jo garobak sate sambilan puluah anam tu! padohal inyo baru tigo tahun manjadi anggota dewan.

“Baa caro waang dapek rasaki sabanyak tu Tang? Sayang bana Tuhan ka waang yo?” tanyo si Jila ka si Atang. Baca Lanjutannya…

Oleh: Wisran Hadi | 30 April 2011

WAKIE RAKYAT TAKUIK KA RAKYAT, ITU NAN DEMOKRASI.

Jilatang 13-02-11

 WAKIE RAKYAT TAKUIK KA RAKYAT, ITU NAN DEMOKRASI.

Oleh: Wisran Hadi

Sajak Atang lah manjadi wakie rakyat dan karajonyo duduak di Dewan Perwakilan Rakyat untuak daerah tingkek duo, agak mahanggau inyo mangecek pakaro rakyat kini. Labiah banyak inyo mangecek pakaro partai nan maangkeknyo, daripado rakyat nan diwakilinyo. Namun samantangpun baitu, nan lagak si Atang tatap bangang, saroman dulu juo. Kalau dulu inyo bangang ka dirinyo, kini inyo bangang ka urang rami. Kateh iduangnyo bilo basobok atau basalisiah lalu jo urang. Baca Lanjutannya…

Oleh: Wisran Hadi | 30 April 2011

LAH JO DUKUN-DUKUN SATO MALIANG

Jilatang 06-02-11

LAH JO DUKUN-DUKUN SATO MALIANG

Oleh: Wisran Hadi

Banyak bana urang maliang kini. Sabalik. Lai ado juo nan bisa dimaliang, dimaliang! Nan bedo, indak surang juo nan bisa dituduah, sia nan jadi pamaliang tu. Baru se waden ka basorak bahaso ado urang maliang, urang tu langsuang manunjuak ka arah den. Menderita jiwa waden kini Tang.Adennak pai ka dukun mah, mintak tangka maliang,” kato si Jila.

“Jila, indak paralu pai ka dukun bana lai. Bini jo anak waang tu lah jadi tangka maliang mah.Apojuo lai.” Baca Lanjutannya…

Oleh: Wisran Hadi | 30 April 2011

TUGAS NINIAK MAMAK DIGANTIAN DEK SUMANDO KAYO

Jilatang 30-01-11

 

TUGAS NINIAK MAMAK DIGANTIAN DEK SUMANDO KAYO

Oleh:

Wisran Hadi

“Waden sebagai pangulu kaum, musti sacapeknyo mansertifikat an tanah ulayat kaum kami. Kalau indak, urang sumando waden nan ka turun tangan mansertifikat annyo. Kalau itu sampai tajadi, bara kamalu waden tu Jila. Waden niniak mamak kapalo warih namonyo, pangulu kaum kecek urang, tapi mancari pitih untuk pambaia ongkos sertifikat tanah kaum se indak lanteh angan,” kato si Atang.

“Tapi sumando waang tukanlai kayo. Pakai selah pitih sumando tu untuk ongkos sertifikatnyo,” jawek si Jila. Baca Lanjutannya…

Oleh: Wisran Hadi | 30 April 2011

WAANG LAI PANAH SUMBAYANG DI MUSAJIK TAQWA?

Jilatang 16-01-11

 

WAANG LAI PANAH SUMBAYANG DI MUSAJIK TAQWA?

“Jila. Baa gak hati waangkotaawak ko? Samakin majukan?” kato Atang sambia mancaliak arah ka simpang aie mancua nan indak baraie tu.

“Samakin maju? Kecek sia?” tanyo Jila.

“Sagalo urang mangecek saroman tu. Lai tahu waang, apo ukuran maju sebuahkota?” tanyo Atang.

“Tu iyo indak jaleh diden tudoh. Waden indak pagawai tatakota bagai doh,” jawek Jila.

“Ukuran maju sebuahkotasaromankotaawak ko adolah, nan paratamo rami! Bukti bahaso rami, satiok simpang macet! Macet tu adolah bukti bahaso dikotaawak ko banyak oto. Oto banyak dek karano urang banyak nan alah mampu mambali oto. Baa gak hati waang? Lai batua kasimpulan den tu ndak?” tanyo Atang. Baca Lanjutannya…

Jilatang 09-01-11

Hari-hari apo urang sumbayang jumaat di Luhak Nan Tigo?

Sabalun hari satu molah, engak!

Acara manyambuik tahun baru baru se salasai.  Kutiko tu Atang  sadang mamacik-macik tarompet karateh nan dibaonyo dari hotel babintang. Jila tibo mamakai topi es-wals, kucuik kateh kambang ka bawah.  Dek indak tahu apo nan musti dikarajoannyo di tahun baru duoribu sabaleh ko, parewa nan baduo tu main takoktaki sajo.  Lampu sadang mati pulo, kaduonyo tapaso duduak di nan kalam. Indak jaleh sia nan manakok, sia nan batanyo. Cuma nan tadanga suaro urang batakoktaki tu sajo. Baca Lanjutannya…

Oleh: Wisran Hadi | 30 April 2011

SIA PADUSI NAN BASALEMPANG TU? BINI PEJABAT AWAK?

Jilatang; 02-01-11

SIA PADUSI Nan basalempang tu?

Bini pejabat awak?

Oleh: Wisran Hadi

“Indak ado rujukan budayanyo doh program uni uda tu, Jila. Itu hanyo pangganti namo dari pemilihan  ratu-ratu tumah. Indak sasuai jo budaya Minang awak ko doh, kanti. Hantu paburu! Tapi si Jila di siko pulo inyo bamain. Inyo buek acara uni uda tu saluruah nagari.Apomukasuiknyo? Untuk malatiah gadih-gadih tu manjadi padusi gata!” sorak si Atang samo surang. Baca Lanjutannya…

Oleh: Wisran Hadi | 30 April 2011

SIA PADUSI NAN BASALEMPANG TU? BINI PEJABAT AWAK?

Jilatang; 02-01-11

SIA PADUSI NAN BASALEMPANG TU?
BINI PEJABAT AWAK?

Oleh: Wisran Hadi

“Indak ado rujukan budayanyo doh program uni uda tu, Jila. Itu hanyo pangganti namo dari pemilihan ratu-ratu tumah. Indak sasuai jo budaya Minang awak ko doh, kanti. Hantu paburu! Tapi si Jila di siko pulo inyo bamain. Inyo buek acara uni uda tu saluruah nagari. Apo mukasuiknyo? Untuk malatiah gadih-gadih tu manjadi padusi gata!” sorak si Atang samo surang.
“Tang. soal uni uda tu kini alah jadi budaya. Gubernur, Bupati, Walikota jo sagalo urang-urang bapangkek tenggi di nagari ko alah satuju. Soal sasuai atau indak jo budaya Minang, itu kan tagantuang jo eska pejabat-pejabat tu. Tahu waang ndak, budaya awak ko kini tagantuang eska,” jawek si Jila.
“Cubo caliak poto di koran ko ha!” kato Atang sambia mangambangan koran nan lah remok di muko si Jila. “Caliak elok-elok! Iko tamu awak. Menteri. Datang ka nagari ko. Disambuik dek pejabat tenggi awak. Tapi bini-bini pejabat tenggi awak tu indak nampak lai doh. Lah tatimbun dek poto uni uda nan mangamek di sabalah menteri. Payah waden manjalehan ka kamanakan den, kutiko nyo tanyo. Nan basalempang tu sia tu mak datuak? Bini pejabat awak?” kato Atang jo suaro malangkiang.
“Kalau waang indak satuju jo uni uda tu, kabaa juo lai. Nan indak satuju kan waang surang nyo. Apolah artinyo suaro waang ditangah suaro urang banyak? Tando awak ba negara, awak musti ikuik apo nan dibuek dek pemerintah,” kato Jila.
“Lai tahu waang ndak Jila. Dek ulah-ulah pamilihan uni uda tu, lah banyak gadih-gadih pai operasi muko ka Singapura. Nan pesek iduangnyo nyo papanjang. Nan ketek pingguanyo nyo suntik jo silikon. Itu nan katuju dek waang? Katuju dek waang padusi-padusi Minang ko jadi mantiak dek kepalsuan-kepalsuan? Jo caro saroman itu awak ka malawan dunia urang?” kato si Atang. “Nan penting kini lai tahu waang ndak? Kapalo! Kapalo saluruah pemuda-pemudi Minang ko nan harus diisi!” lanjuik si Atang.
“Jadi, manuruik waang budaya uni uda tu indak paralu ditaruihan?” tanyo si Jila.
“Indak. Nan paralu awak pacaliak an ka wisatawan tu urang nan baradaik, urang nan basopan santun, urang nan taat baugamo, urang nan manjalanan adatnyo elok-elok. Itu nan ka dicaliak dek wisatawan tu! Uni uda tu kan cuma mamanuhi salero babarapo urang pemerintahan sajo nyo tu. Jadi, indak ado kaitannyo antaro uni uda tu jo budaya nan ka awak pacaliakan ka wisatawan tu doh,” jawek si Atang.
“Kalau indak ado uni uda ko, tantu indak ka maju dunia pariwisata awak ko doh,” kato si Jila.
“Kecek sia tu kawan? Nan paralu dibina adolah urang-urang kesenian. Inyo nan maisi acara bilo wisatawan tu datang. Santiang mutu kesenian awak, awak akan dikana salamonyo dek wisatawan tu. Jaleh program budaya awak, bahondoh pondoh wisatawan tu datang. Indak uni uda doh, handia! Sakamek-kamek uni uda awak, tantu labiah hot lai miss universe. Indak katakana bagai uni uda awak ko dek mereka tu doh,” kato Atang.
“Lalu, baa caronyo mambuek mereka tu tahu bahaso awak ko lai baradat. Kalau iyo wisata awak ko wisata budaya?” tanyo Jila.
“Jaan cuma adat tu tingga di pidato-pidato, dalam pepatah-petitih sajo,” jawek Atang.***

Oleh: Wisran Hadi | 5 September 2010

MALIN DEMAN LAH SABANA JADI MALIN

Parintangari 13 Agust. 2010

MALIN DEMAN LAH SABANA JADI MALIN

Oleh: Wisran Hadi

Kok iyo banalah Malin Deman nan sampai kini tatap sajo dicaritokan tukang kaba sebagai urang Minang nan sukses mancilok baju karamat nan bisa mambao urang tabang ka langik Sonsoang Barat milik Puti Bungsu, nan jaleh kini, samanjak bulan puaso masuak Malin Deman tu indak namuah mancilok-cilok lai. Inyo lah sabana malin, bak namo bak kalakuannyo. Indak roman dulu, awak lai bagala Malin tapi jaankan puaso, kama madok Qiblat sajo indak tahu. Baca Lanjutannya…

Oleh: Wisran Hadi | 5 September 2010

SIMALANCA INDAK LAI BERSELANCAR

Parintangari 12 Agust. 2010

SIMALANCA INDAK LAI BERSELANCAR

Oleh; Wisran Hadi

Simalanca tu adolah sosok galie urang Minang sasiauak nan sabana galie, kalau dicari padanan kato galie tu jo bahaso kini adaloh; suko mambohongi publik. Urang takicuah tapi maraso indak dikicuah. Inyo mandapek urang indak kailangan.

Kutiko kapatang inyo manjuakaie ka sumbayang taraweh, kopiahnyo ilang. Dek kopiahnyo ilang di tampek nan kalam, nyo cari di tampek tarang. “Soal dima ilangnyo, bilo, bara nan ilang itu bukan urusan pihak nan mancari,” katonyo manjawek tanyo urang. Baca Lanjutannya…

Oleh: Wisran Hadi | 5 September 2010

Labai Panjang Jangguik

Parintang hari  11 Agustus 2010

LABAI PANJANG JANGGUIK

Oleh: Wisran Hadi

Kok ado urang Minang nan indak kenal jo Labai Panjang Jangguik, tandonyo urang tu alun panah lalok di surau mandanga urang mambaco kaba, atau buliah dikecek an bahaso urang tu alun mangarati jo sastra Minang, indak abeh bana dinyo tantang kekuatan dan keunggulan kebudayaan Minang. Labai Panjang Jangguik adolah urang siak, maaja sumbayang jo mangaji di surau. Banyak anak sasiannyo, sakambuik anak muriknyo bajibun banyak jamaahnyo. Satiok puaso tibo, namo Labai Panjang Jangguik langsuang takana dek urang sakampuang, dek ulah pantunnyo nan tapek bana manyindia kalakuan urang Minang  maso itu. Baca Lanjutannya…

Oleh: Wisran Hadi | 4 September 2010

Labai Lantera Pulang

LABAI LANTERA PULANG

Oleh: Wisran Hadi

Urang banyak tarutamo urang-urang surau hanyo tahu bahaso Labai Lantera beredar dari surau ka surau sajo. Ilie mudiak manjinjiang lantera. Dulu iyo baitu. Kini indak lai. Labai Lantera kini lah lamo marantau, saroman urang Minang lainnyo nan pai marantau. Rantaunyo Labai Lantera tatap sajo dari surau ka surau nan ado di rantau tu. Artinyo bana, dunia rantau Labai Lantera tatap sajo dunia surau saroman di kampuangnyo.

Puaso kini, Labai Lantera pulang dari rantaunyo. Labai pulang jo niat nan gadang. Jo lanteranyo tu, inyo nak manarangi sagalo suduik kampuang nan kalam-kalam. Nak manarangi hati urang nan samak-samak. Sagalo nan gelap, nan kalam, nan tarang-tarang kain, ka dicolok, ka ditarangi.

Tibo di kampuang, hari lah mulai patang. Labai heran, baa mangko Baca Lanjutannya…

Oleh: Wisran Hadi | 4 September 2010

Manjua Ayat Jaan Sapotong-sapotong

MANJUA AYAT JAAN SAPOTONG-SAPOTONG

Oleh: Wisran Hadi

Dek urang Minang, nan paliang nikmat dalam bulan puaso adolah babuko basamo jo sanak keluarga, anak baranak, kaum famili samo sadarah, sasuku, sakampuang. Baiak jo nan jauah apolai jo nan dakek.  Babuko basamo roman tu lah nan kini ka diadokan dek Rangkayo Sati, kapalo kaum suku Cadang. Rangkayo Sati iyo bak namo bak nasibnyo, kayo jo sati pulo, mako babuko basamo tu nyo urus sajo surang. Inyo ka mambuek kejutan, surprais, di hari puaso nan ka anam baleh ko. Baca Lanjutannya…

« Newer Posts - Older Posts »

Kategori